Hiloldoshlar oilasi

Cyperaceae

Kamyoblik darajasi 2. O`zbekistonda onda-sonda uchraydigan kamyob tur.

Qisqacha tavsifi. Biyi 40-200 sm oralig`idagi poya va barglari qalin joylashgan ko`p yillik o`t. Barglar qattiq, eni 15 sm, chetlari o`tkir, qattiq tishchali. To`pguli ko`p, bir-biridan ajralgan holda joylashgan, murakkab, soyabonsimon ro`vak hosil qiladi. Boshoqlari tuxumsimon yoki nashtarsimon, uzunligi 4-6 mm. Yong`oqchasi (mevasi) tuxumsimon, uzunligi 4 mm, yaltiroq, qoramtir. Iyun-avgust oylarida gullab, mevalaydi.

Tarqalishi. Amudaryo suv havzalarida Termiz shahri yaqinida, Chirchiq daryosi qirg`oqlarida, Zarafshon daryosining quyi oqimida Payshanba qishlog`i yaqinida tarqalgan (Toshkent, Samarqand va Surxondaryo viloyatlari).

O`sish sharoiti. Daryo va kqllarning botqoqlashgan qirg`oqlarida, ba'zan sholizorlarda o`sadi.

Soni. Kam tuplardan tashkil topgan uchta to`pi ma'lum, yakka-yakka holda ham uchraydi.

Ko`payishi. Urug`idan va vegegativ yo`l bilan ko`payadi.

O`simlik soni va arealining o`zgarish sabablari. Suv sathining tez-tez o`zgarib turishi va suv toshqinlari sabab bo`ladi. Kamayishiga ta'sir qiluvchi boshqa omillar ham bo`lsa kerak.

Madaniylashtirilishi. Bu haqda ma'lumotlar yo`q.

Muhofaza choralari. Qizil kitobga kiritilgan. Maxsus muhofaza tadbirlari ishlab chiqilmagan. Tabiiy holda o`sib turgan yerlari saqlab qolinishi va madaniy sharoitda ekib o`stirilishi zarur.